Bakının Babək prospektində “maşın bazarı” deyilən ərazidə güclü yanğın baş verib.
Hadisə yerinə 5-dən çox yanğınsöndürən avtomobili cəlb olunub.
Hazırda prospektin hər iki istiqamətində nəqliyyatın hərəkətində tıxac yaranıb.
Hadisə şahidlərinin verdiyi məlumata görə, güclü yanğın “maşın bazarı”nın girişində baş verib və yanğın təxminən 25 mağazaya yayılıb.
Hazırda prospektin hər iki istiqamətində nəqliyyatın hərəkətində tıxac yaranıb.Yanğının söndürülməsi istiqamətində işlər davam edir.
***
Fövqəladə Hallar Nazirliyi “Maşın bazarı”ndakı yanğınla bağlı məlumat yayıb.
Məlumata görə, Bakı şəhəri, Nizami rayonu, maşın bazarında mağazalardan birində yanğın hadisəsi baş verib.
Dərhal yanğının söndürülməsinə qüvvə və vasitələr cəlb olunub. Yanğınsöndürmə işləri davam etdirilir.
***
saat 22.45.
Yanğın getdikcə böyüyür, hadisə yerinə əlavə qüvvələr çağırılıb
Bakının maşın bazarında başlayan güclü yanğın hələ də davam edir.
ANS-inn məlumatına görə, güclü yanğın nəticəsində onlarla mağaza yanıb.
Yanğınsöndürənlər hələ də yanğının qarşısını ala bilməyiblər. Fövqəladə Hallar Nazirliyi tərəfindən yaradılan operativ qərargahdan bildirdilər ki, yanğının qarşısının alınması üçün əlavə yanğınsöndürən maşınlar çağırılıb.
