“Son vaxtlar İranın raket qüdrəti barəsində böyük qalmaqal yaratdılar. Lakin bilsinlər ki, bu hay-küyün təsiri olmayacaq və onlar heç bir qələt edə bilməzlər”.
Strateq.az bildirir ki, bu sözləri İranın ali dini lideri Xameneyi İmam Hüseyn (ə) Universiteti məzunlarının mərasimində çıxışı zamanı deyib.
Xameneyi nüvə enerjisi, raket qüdrəti və insan haqları kimi məsələlərin irəli sürülməsini “bəhanə” adlandırıb və bildirib ki, bütün bu düşmənçilik və bəhanələrin əsas səbəbi imperializmin ardınca getməməlidir: “Müqavimət, düşmənin ardınca getməmək, inqilab və islam mentalitetinin qorunması İran xalqı və islam quruluşu iqtidarının əsas amilidir. ABŞ və digər güclər bu məsələdən çox narahatdırlar”.
Xameneyi bildirib ki, onlar bütün vasitələrdən – təzyiqlər, mədəni, iqtisadi, siyasi və təbliğat səylərindən istifadə edərək islam quruluşunu diz çökdürməyə və onun ardınca getməyə məcbur etmək istəyirlər.
