BDU-da bəzi tələbələr təhsil haqqından azad edildi
Bakı Dövlət Universiteti (BDU) Elmi Şurasının bu gün keçirilən iclasında 2016-cı ilin fevral ayından başlayaraq normativ təhsil müddətində alt qruplarda (yay məktəbi istisna olmaqla) oturan tələbələrin əlavə kreditlər üzrə təhsil haqqının BDU-nun daxili imkanları hesabına ödənilməsi məsələsi geniş müzakirə edilib.
Universitetin Mətbuat və informasiya şöbəsindən Trend-ə verilən məlumata görə, müzakirələr zamanı çıxış edən alimlər Nazirlər Kabinetinin 2015-ci ilin sosial-iqtisadi yekunlarına və qarşıda duran vəzifələrə həsr olunmuş iclasında prezident İlham Əliyevin bütün məsələlərdə, təşəbbüskarlığı, insanlar üçün bütün şəraitin yaradılması haqda olan tapşırıqlarını əsas götürüblər.
Sonda Elmi Şura üzvləri alt qruplarda təhsil alan tələbələrin ödənişdən azad olunması barədə yekdil qərar qəbul ediblər.
