NATO Parlament Assambleyasının Müdafiə və Təhlükəsizlik Komitəsinin məruzəsində təsadüfən ABŞ-ın nüvə silahlarının saxlandığı yerlər göstərilib.
“The Washington Post”un məlumatına əsasən, Belçikanın “De Morgen” qəzeti ötən gün məruzənun surətini dərc edib.
Məqalədə qeyd edilir ki, bombalar Birləşmiş Ştatların və Avropanın altı bazasında saxlanılır: “Kleine Brogel” (Belçika), “Büchel” (Almaniya), “Volkel” (Niderland), “İncirlik” (Türkiyə), “Aviano” və “Ghedi-Torre” (İtaliya).
Sənəddə məlumat heç bir istinad verilmədən göstərilir. Məruzənin müəllifi Cozef Dey bəyan edib ki, sənəddəki bütün informasiya açıq mənbələrdən əldə edilib.
NATO-dakı adının açıqlanmasını istəməyən mənbə isə qeyd edib ki, bu, alyansın rəsmi sənədi deyil.(Virtualaz.org)
