Bu gün Türkiyənin Antaliya şəhərində dəhşətli fırtına olub.
Strateq.az Türkiyə mətbuatına istinadən xəbər verir ki, sahil boyu əmələ gələn burulğanda xeyli insan yaralanıb, ev, obyekt, maşınlara ziyan dəyib.
Rəsmi məlumata görə, hadisə nəticəsində 1 nəfər 13 yaşlı uşaq ölüb, 2 nəfər itkin düşüb, 10-dan çox yaralı var.
Məlumata görə, itkin düşənlərdən biri 20 yaşlı universitet tələbəsidir. O, anası ilə birgə maşında hərəkətdə olarkən, burulğan maşını çaya atıb. Maşından ananı xilas etmək olsa da, tələbə qızdan xəbər yoxdur.
