Bakıda çoxmərtəbəli binada yanğın başlayıb.
Fövqəladə Hallar Nazirliyindən Trend-ə verilən məlumatda bildirilir ki, hadisə paytaxtın Xətai rayonunda, Yusif Səfərov küçəsində çoxmərtəbəli binada baş verib.
Hadisə yerinə Fövqəladə Hallar Nazirliyinin yanğınsöndürən briqadaları cəlb edilib.
Fövqəladə hallar naziri Kəmaləddin Heydərov və nazir müavini Etibar Mirzəyev də hadisə yerindədir.
Hazırda yanğının söndürülməsi istiqamətində iş davam etdirilir.
