“Efir vaxtının ayrılması zəruridir…”
alt=”"Efir vaxtının ayrılması zəruridir…" ” title=”"Efir vaxtının ayrılması zəruridir…" ”
Müsavat Partiyasının başqanı Arif Hacılı Mərkəzi Seçki Komissiyasının sədri Məzahir Pənahova müraciət edib.
Partiyanın mətbuat xidmətindən verilən məlumata görə, müraciətdə Müsavat Partiyası tərəfindən birmantdatlı seçki dairələrindən irəli sürülən 70-dən çox namizəddən 24-nün deputatlığa namizəd kimi qeydə alındığı vurğulanaraq, pulsuz efir vaxtının ayrılmasının vacibliyi önə çəkilib: “Namizədlərimizin təbliğat və təşviqat kampaniyasının təşkili, onların platformalarını seçicilərə çatdırması üçün İctimai Televiziyada pulsuz efir vaxtının ayrılması zəruridir.
Müsavat Partiyası 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə iştirakla bağlı qərar qəbul edib. İctimai diskusiyaların təşkili, bərabərhüquqlu təbliğat imkanları prinsipi baxımından da televiziyada pulsuz efir vaxtının ayrılmaması yolverilməzdir”
Müraciətdə Məzahir Pənahovdan bütün bunların nəzərə alınaraq, parlament seçkilərində iştirak edən namizədlərə və siyasi partiyalara İctimai Televiziyada pulsuz efir vaxtı ayrılması üçün təsirli tədbirlər görməsi xahiş olunub.
