2017-ci ilin yanvar-noyabr aylarında Bakının nəqliyyat müəssisələrində çalışan işçilərin orta siyahı sayı 1,5 faiz artaraq 52,2 min nəfər olub, orta aylıq əmək haqqı isə 13,5 faiz artaraq 858,2 manat təşkil edib.
Trend-in məlumatına görə, 2017-ci ilin yanvar-noyabr aylarında rabitə müəssisələrində çalışan işçilərin orta siyahı sayı əvvəlki ilin müvafiq dövrü ilə müqayisədə 0,6 faiz azalaraq 17,5 min nəfər olub. Orta aylıq əmək haqqı əvvəlki ilin müvafiq dövrünə nisbətən 13,3 faiz artaraq 1099,5 manat təşkil edib.
Dövlət sektorunda çalışanların orta aylıq əmək haqqı 782,8 manat, qeyri-dövlət sektorunda isə 1441,2 manat təşkil edib.
