Ermənistan xarici işlər naziri Edvard Nalbəndyan ilk dəfə olaraq işğal olunmuş 5 rayonun Azərbaycana qaytarılacağının mümkünlüyü barədə danışıb.
Strateq.az bildirir ki, Ermənistan diasporasının Yerevanda keçirilən forumunda çıxış edən Nalbəndyan erməni ictimai rəyində müzakirə edilən Qarabağ münaqişəsinin həlli üçün işğal edilmiş Azərbaycan ərazilərinin qaytarılması planı ilə bağlı sualı cavablandırıb.
O bildirib ki, burada söhbət separatçı rejimə təhlükə yaratmayan ərazilər nəzərdə tutulur: “Söhbət Qarabağın təhlükəsizliyinə təhlükə yaratmayacaq ərazilərdən gedir. Digər təfərrüatları aça bilmərəm”-deyə Nalbəndyan vurğulayıb.
O qeyd edib ki, münaqişənin həlli yalnız dinc danışıqlar yolu ilə mümkündür və bunun alternativi yoxdur.
