PKK-dan HDP-yə ittiham
Terrorçu PKK-nın Qəndil rəhbərlərindən Murat Karayılan HDP-nin həmsədri Səlahəddin Demirtaşı normal davranışlar sərgiləməməkdə günahlandırıb. O, Demirtaşı siyasi romantik kimi davranmaqda ittiham edib.
Koalisiya dartışmaları ilə bağlı olaraq maraqlı açıqlamalar verən Murat Karayılan HDP-ni tənqid edərək bildirib ki, partiyanın koalisiya ilə bağlı təklifləri romantikdir. Onun sözlərinə görə, HDP-nin koalisiya ilə bağlı yanaşmaları dardır. O, qeyd edib ki, cəmiyyət demokratik bir dəyişiklik tərəfdarıdır və HDP-nin buna liderlik etməsi lazımdır:
“Bu baxımdan daha güclü bir performansa və tempə ehtiyac var”.
Karayılan deyib ki, HDP-nin ölkənin gələcəyi ilə bağlı planları var və partiya hazırladığı qanunları ortaya qoymalıdır:
“HDP qanunlar çərçivəsində siyasət yürüdəcəyini ifadə etməlidir”.
