Sabunçu Rayon Məhkəməsində ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işi üzrə məhkəmə prosesi fasilədən sonra davam etdirilib.
İclasdan sonra jurnalistlərə açıqlama verən A. Çovdarovun vəkili Sadiq Rəsulov deyib ki, prosesdə zərərçəkmiş şəxs qismində Cahangir Alışov sualları cavablandırıb, bir neçə şahid dindirilib. Daha sonra Akif Çovdarovun səhhəti pisləşib. O, iclasda iştirak edə bilməyib.
Buna görə iclas fevralın 22-nə təxirə salınıb.
