ABŞ-ın yeni seçilmiş prezidenti Donald Trampın qızı İvanka biznesdən müvəqqəti gedəcəyini açıqlayıb.
“RİA Novosti”nin verdiyi məlumata görə, bu barədə İvanka Tramp öz Facebook səhifəsində yazıb.
İvanka Tramp bildiri ki, atası Donald Tramp ABŞ prezidenti vəzifəsini icra etməyə başlayandan sonra o, geyim şirkətinin idarə olunmasında iştirak etməyəcək. Qeyd edək ki, Donald Tramp yanvarın 20-də keçiriləcək andiçmə mərasimindən sonra ABŞ prezidenti kimi fəaliyyətə başlayacaq.
