“18 Oktyabr qeyri-iş günü olsun”
Milli Məclisin bu gün keçirilən iclasında bir neçə millət vəkili 18 Oktyabr Müstəqillik gününün qeyri-iş günü elan edilməsi təklifi ilə çıxış edib.
“Qafqazinfo” xəbər verir ki, bu təkliflə deputatlar Fərəc Quliyev və Vahid Əhmədov çıxış edib.
Vahid Əhmədov bildirib ki, 18 Oktyabr qeyri-iş günü elan olunmalıdır: “Bayram münasibətilə ölkədə silsilə tədbirlər keçirilməlidir. Bu gün müstəqilliyə səs verən şəxslərin səhhəti yaxşı deyildir. Onlara diqqət yetirilməsinin də nəzərə alınmasını istəyirəm”.
