Özbəkistanın mərhum prezidenti İslam Kərimovun böyük qızı Gülnarə Kərimova atasının dəfnində iştirak etməyib.
Bu haqda “Ferqana” nəşri məlumat yayıb.
Kərimovun ikinci qızı, 38 yaşlı Lola Səmərqəddəki dəfn mərasiminə qatılıb.
“Ferqana” yazır ki, Kərimovun 44 yaşlı böyük qızı faktiki ev dustaqlığındadır, İnternetə giriş imkanı da yoxdur. Onunla birgə qızı İmam yaşayır. Oğlu İslam hazırda Londonda yaşayır, o da babasının dəfninə gəlməyib.
78 yaşlı özbək lideri bu gün Səmərqənddə dəfn olunub. Kərimovun ölümü sentyabrın 2-də axşam elan edilib. O, avqustun 27-də beyninə qan sızmasından sonra xəstəxanaya yerləşdirilmişdi.
