Bu il Azərbaycanda 2 milyon 820 min ton taxıl istehsal olunub. Bu, ötən illə müqayisədə 2 faiz çoxdur.
Azərtac xəbər verir ki, bu barədə kənd təsərrüfatı nazirinin müavini İlham Quliyev jurnalistlərə açıqlamasında bildirib.
Nazir müavini deyib ki, ötən ilə nisbətən bu il ölkədə taxılçılıq sahəsində inkişafa nail olunub. Eyni zamanda, bu il 1 milyon 844 min ton buğda istehsal edilib ki, bu da keçən ilin müvafiq dövrünə nisbətən 10 faiz çoxdur.
