Nəsib Nəsibli Müsavatdan getməyib
“Nəsib Nəsibli Müsavat Partiyasından ayrılmayıb”. Bunu Modern.az-a Müsavat Partiyası başqanının müavini Gülağa Aslanlı deyib: “O, partiyanın sıravi üzvüdür. Sadəcə, elmi-tədqiqat işi ilə əlaqədar Müsavatla əlaqələri bir qədər zəifləyib. Ona görə də partiyanın tədbirlərindən kənarda qalır. Müsavatın qurultayında iştirak edib-etməmək isə Nəsib Nəsiblinin öz səlahiyyəti daxilindədir”.
Qeyd edək ki, Nəsib Nəsibli 2005-ci ildə Milli Məclisin deputatı seçilib. Son vaxtlar Müsavatın tədbirlərində görünməməsi onun partiyanı tərk etməsi ilə bağlı xəbərlərin yayılmasına səbəb olub.
