Norveçdə COVID-19 əleyhinə peyvənd olunmuş iki şəxs vəfat edib.
Bu barədə ölkənin Dərman Vasitələri Agentliyi bildirib.
“Yanvarın 5-də biz peyvənddən bir neçə gün sonra ölmüş iki şəxs barədə xəbər aldıq”, – məlumatda deyilir.
Norveçdə Amerika şirkəti – “Pfizer” və onun alman partnyoru “BioNTech” tərəfindən istehsal edilmiş preparatdan istifadə ilə vaksinləmə ötən ilin 27 dekabrında başlayıb.
Ölkədə ilk olaraq Oslodakı qocaların evinin sakinləri peyvənd edilib. Hakimiyyət orqanları ölüm hallarının vaksinləmə ilə bağlı olub-olmadığını araşdırmağa başlayıb.
“Biz peyvəndin ölüm səbəbi olmasını və ya ölümün vaksinləmədən tezliklə sonra təsadüfən baş verdiyini təhlil etməliyik”, – agentliyin nümayəndəsi deyib. Onun sözlərinə görə, indi sağlamlığının zəif olduğu və ya ciddi xəstəliklərdən əziyyət çəkən risk qruplarından olan insanlar peyvənd edilirlər/Report.
