Mənzil İnşaatı Dövlət Agentliyi (MİDA) “Yasamal” yaşayış kompleksinin 1, 2, 3, 4 və 5 saylı binalarında imtiyazlı mənzillərin satışına başlayıb.
Qurumun məlumatında deyilir ki, proses bu il sentyabrın 5-də saat 11: 00-da başlanır və 2018-ci il dekabrın 5-də saat 11: 00-da başa çatacaq.
Satışa 324 mənzil çıxarılıb. Bütün mənzillər tam təmir edilib, mətbəx mebeli, istilik sistemi, su, qaz və elektrik sayğacları ilə təchiz olunub. Mənzillərin qiyməti İpoteka Fondu tərəfindən bazar qiymətindən aşağı səviyyədə müəyyən edilir. Beləliklə, 1 otaqlı mənzillər 29 925 manat, 2 otaqlı mənzillər 47 282 manat, 3 otaqlı mənzillər 65 625 manatdan başlayır. Qiymətə ƏDV də daxildir. (Turan)
