Qərb bölgəsinə yağan güclü dolu Tovuz, Qazax və Ağstafanın bir sıra kəndlərində ciddi fəsadlar törədib. Sputnik Azərbaycanın bölgə müxbirinin verdiyi məlumata görə, təbii fəlakət bəzi evlərin dam örtüyünü sıradan çıxarıb, meyvə ağaclarına və əkin sahələrinə ciddi ziyan vurub. Dolu əsasən Tovuzun Qaraxanlı, Xatınlı, Qədirli, Əlimərdanlı, Mülkülü, Qazaxın Xanlıqlar, Çaylı, Ühkməzli, Daş Salahlı, Ağstafanın Eynallı və Köçəsgər kəndlərində daha çox müşahidə olunub. Kənd sakinlərinin bildirdiyinə görə 20 dəqiqəyə yağan dolunun diametri 10 sm-dən böyük olub.
Hazırda sözügedən rayonların Fövqəladə Hallar Komissiyasının üzvləri kəndlərə dəymiş ziyanı müəyyən edirlər.
