Bu sözləri İranın rabitə və informasiya texnologiyaları naziri Mahmud Vaezi Sankt-Peterburqda keçirilən beynəlxalq iqtisadi forumdakı çıxışı zamanı deyib.
M. Vaezi qeyd edib ki, İran qədim İpək Yolunun üzərində yerləşir və bu gün beynəlxalq nəqliyyat dəhlizinin yaradılmasında aparıcı rola malikdir. İran MDB dövlətləri ilə iqtisadi əlaqələrini inkişaf etdirərək genişləndirməkdə maraqlıdır və “Şimal-Cənub” Beynəlxalq Nəqliyyat Dəhlizi bu inkişafı təmin edəcək.
Mahmud Vaezi İranın Şanxay Əməkdaşlıq Təşkilatı ilə də yaxın əlaqələr qurmaq niyyətində olduğunu nəzərə çatdırıb.
Xatırladaq ki, İranı Sankt-Peterburq Beynəlxalq İqtisadi Forumunda M.Vaezi ilə yanaşı, bu ölkənin neft nazirinin müavini Əmir Hüseyn Zamani və İRNA informasiya agentliyinin baş direktoru Məhəmməd Xodadi təmsil edirlər. (Azərtac)
