Statistika 1990-2015-ci illərdə dünyanın 195 ölkə və ərazisində aparılmış araşdırmaların nəticəsinə əsaslanır. Nəticələrə görə, dünyada hər 4 kişidən biri və hər 20 qadından biri nikotindən asılıdır. Araşdırma göstərib ki, dünyada siqaret çəkənlərin sayı artır. 2015-ci ildə 933 milyon nəfər siqaret çəkirdi. İndi onların sayı 1 milyard nəfəri ötmək üzrədir.
Kişiləri ən çox siqaret çəkən ölkələr siyahısına Çin, Hindistan və İndoneziya başçılıq edir. Qadınları ən çox siqaret çəkən ölkələr ABŞ, Çin və Hindistandır. Bu kateqoriyada Bolqarıstan, Yunanıstan, Monteneqro, Xorvatiya və Makedoniya da öndə gedir. Siqaretdən adamlar ən çox Çin, Hindistan, ABŞ, Rusiya və İndoneziyada ölür.
Çində siqaret hər il 1,8 milyon adamın ölümünə səbəb olur. Araşdırma göstərib ki, 1990-cı illə müqayisədə 30 ölkədə siqaret çəkənlərin sayı azalıb, həmin ölkələrdə kişilərin 28, qadınların 34 faizi siqareti atıb.
Son 27 ildə Braziliyada müntəzəm siqaret çəkənlərin sayı 57 faizədək azalıb.
