Dekabr ayının son həftəsində Prezident Administrasiyasında rayon icra başçıları, polis rəisləri, məhkəmə sədrləri və digər qurumların rəhbər şəxslərinin iştirakı ilə böyük bir toplantı keçirilib.
Bu barədə Mia.az-a verilən məlumata görə, Prezident Administrasiyasının rəhbəri, akademik Ramiz Mehdiyevin sədrliyi ilə keçirilən toplantıda bütün icra başçılarına, o cümlədən güc struktularına konkret tapşırıqlar verilib:
“Onların hamısını Bakıya toplayıb, konret tapşırıqlar verilib. Hamısına da öz sahələri üzrə insanlara qarşı həssas davranmaq, şikayət və problemlərə operativ yanaşmaq, hətta tez-tez birbaşa kəndlərə, hadisə yerlərinə gedərək, xalqın xidmətçiləri olduqlarını sübut etməyin vacibliyi deyilib. Hətta xəbərdarlıq edilib ki, bu tapşırıqlara əməl etməyən, narazılığı və ya problemi həll etmək əvəzinə, hərəkət və davranışları ilə daha da artıran hər bir vəzifəli şəxs kimliyindən aslı olmayaraq, cəzalandırılacaq”.
