“Report” xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə keçirdiyi mətbuat konfransında deyib.
Onun sözlərinə görə, hətta 2017-2018-ci tədris ilində də qaydalar dəyişməyəcək:“Çünki bu il 10-cu sinifdə oxuyanlar hələ iki ildən sonra məktəbi bitirəcəklər. Yəni həmin şagirdlər kurikulumla oxumayıblar. Ona görə də yalnız iki ildən sonra buraxılış imtahanlarının qaydaları dəyişəcək. Təbii ki, iki il müddətində bizim monitorinq araşdırmalarımız davam edəcək. Araşdırmaların nəticəsi olaraq 11-ci sinfin buraxılış imtahanlarında hansı dəyişikliyin olunacağı məlum olacaq”.
M.Abbaszadə qeyd edib ki, 11-ci sinfin şagirdlərinə buraxılış imtahanlarında əldə etdikləri nəticələrlə orta ixtisas təhsili müəssisələrinə (kolleclər) qəbul olmaq üçün V qrupun ixtisaslarını seçməyə imkan veriləcək.
