“Krım, Şərqi Ukrayna və Suriyadan sonra Pribaltika növbəti hərbi münaqişə ocağı ola bilər”.
Bu barədə Britaniyanın “The Times” qəzeti yazır.
“Çətin ki, Pribaltikada üçüncü dünya müharibəsi başlaya bilər, ancaq təxribatlar, kobud səhvlər və Rusiya tərəfindən edilən səhvlər riskini nəzərə alanda müharibə təhlükəsi əvvəlki tək yüksəkdir. Nəzərə alsaq ki Pribaltika vaxtilə Rusiyanın ərazisi olub” – məqalədə belə deyilir.
Qəzet xatırladır ki, Rusiya NATO sərhədində bəzi qiymətləndirmələrə görə, 330 min hərbçi yerləşdirib. Kalininqrad vilayətində yerləşdirilən nüvə başlığı daşıya bilən raket kompleksləri, hərbi təyyarələr, gəmilər gözlənilməz manevrləri ilə diqqəti cəlb etməkdə davam edirlər.
Qeyd edək ki, dünən Putin ABŞ-ı hərbi təxribata çəkmək istəyən rus generallarına çox kəskin reaksiya vermişdi(Avropa.info).
