Rusiya ABŞ-ın hər kəsi izlədiyini və dinlədiyini bilir.
Bunu Rusiya prezidenti Vladimir Putin bildirib.
ABŞ vitse-prezidenti Co Baydenin bəyanatına toxunan V. Putin deyib ki, ABŞ tərəfindən haker hücumu təhdidi beynəlxalq davranış normalarına uyğun deyil:“ABŞ tərəfindən haker hücumu təhdidi ilə bağlı yeganə yenilik odur ki, ilk dəfə ABŞ belə yüksək səviyyədə etiraf edir ki, onlar bununla məşğuldurlar. Ancaq bu, beynəlxalq normalara uyğun deyil. Görünür ki, əsəbiləşirlər. Vaşinqtonun Rusiyadan düşmən obrazı yaratması ABŞ hakimiyyətinin cəmiyyətin diqqətini daxili problemlərdən yayındırmaq cəhdidir”.
Qeyd edək ki, ötən gün C. Bayden bəyan edib ki, ABŞ Rusiyanın kiber hücumlarını cavabsız qoymayacaq, Rusiyanın ABŞ-da prezident seçkilərinə təsir etmək imkanı yoxdur. (APA)
