Göyçay rayonunda avtomobilin toy çadırına girməsi hadisəsinin təfərrüatı məlum olub.
Bığır kəndində avtomobili toy çadırının üstünə sürən 1984-cü il təvəllüdlü Xəlilov Seymur Asif oğlu hadisə vaxtı sərxoş vəziyyətdə olub. avtomobil daha yüksəkdə dayandığından və maşında texniki nasazlıq yarandığından o, idarəetməni itirib və sürətlənən nəqliyyat vasitəsi çadıra girərək 5 nəfəri əzib.
S.Xəlilov saxlanılıb. Faktla bağlı araşdırma aparılır.
Göyçay rayonunda avtomobilin toy çadırına daxil olması nəticəsində xəsarət alanlardan daha biri Bakıya gətirilib. Bığır kəndində keçirilən mərasim zamanı Xəlilov Seymur Asif oğlunun törətdiyi hadisə nəticəsində ağır yaralanan 1992-ci il təvəllüdlü Rəhimov Orxan Agaməhəmməd oğlu Kliniki Tibbi Mərkəzə gətirilib. Xəstəxananın nevrotravma şöbəsinə yerləşdirilən 24 yaşlı oğlanın vəziyyətinin orta-ağır olduğu bildirilir.
