ABŞ Prezidenti Barak Obama gizli şəkildə İrana 400 milyon dollar verib. Axar.azxəbər verir ki, bu barədə informasiyanı “Vol Strit Jurnal” qəzeti etibarlı mənbələrə istinadən yayıb. Obama bu pulun qarşılığında İranda həbs edilmiş ABŞ vətəndaşlarını azad edib. Vaşinqton 400 milyon dolları Tehrana yanvar ayında verib. Ödəniş nağd formada həyata keçirilib. Məhz bundan sonra İran “Vaşinqton Post” qəzetinin jurnalisti Ceyson Rezalan da daxil olmaqla 4 amerikalını azad edib.
