Müsavat partiyasının başqan müavini Tofiq Yaqublunun qızı Nigar Yaqublu ailə həyatı qurmağa hazırlaşır.
Bu barədə N.Yaqublu feysbuk sosial şəbəkəsində yazıb.
O, AXCP-nin həbsdə olan üzvü Seymur Həziylə həyat yollarını birləşdirmək qərarı aldıqlarını bəyan edib.
T.Yaqublu bununla bağlı AzNews.az-a açıqlama verib.
Bildirib ki, nikah mərasimi sabah (bugün-red.) S.Həzinin məhkumluq həyatı yaşadığı cəzaçəkmə müəssisəsində baş tutacaq. Başqan müavini özü mərasimdə iştirak edə bilməyəcəyini də qeyd edib.
Qeyd edək ki, ötən ilin yanvar ayında Seymur Həzi Abşeron rayon məhkəməsinin qərarıyla 5 il müddətinə azadlıqdan məhrum edilib. O, Cinayət Məcəlləsinin 221.3-cü (Xuliqanlıq, silah qismində istifadə edilən əşyaları tətbiq etməklə törədildikdə) maddəsi ilə ittiham olunur.
