İstanbul məhkəməsi prokurorluğun iddiası ilə Fətullah Gülənlə əlaqədə şübhəli bilinən 17 jurnalist barəsində həbs-qətimkan tədbiri seçib.
Azərtac xəbər verir ki, şübhəlilər Çağlayandakı Ədliyyə İdarəsinə göndərilib. Onların arasında məşhur jurnalist Nazlı İlıcakın da adı var. Jurnalistlərdən 4-ü ifadəsi alındıqdan sonra sərbəst buraxılıb.
İstanbul Terror və Mütəşəkkil Cinayətkarlıq Bürosunun baş prokuror əvəzi İrfan Fidan 42 media mənsubunun məsuliyyətə cəlb olunması haqqında təlimat verib.
