İranda bir qrup tələbə şəriət qaydalarını pozduğuna görə həbs olunub. Məhkəmə onların 99 şallaq zərbəsi ilə cəzalandırılması barədə qərar çıxarıb.
Qəzvin şəhərindəki kolleclərdən birinin tələbələri olan bu gənclərin spirtli içki qəbul etdiyi və özlərini əxlaq qaydalara uyğun aparmadığı iddia olunur.
Qəzvin prokuroru İsmayıl Sadiqi bildirib ki, sayı 30-dan çox olan bu tələbələrin arasında çadrasız, hicabsız – yarıçılpaq vəziyyətdə olan qızlar da var.
Prokuror gənclərin dindirildiyini və artıq barələrində məhkəmə qərarının da çıxarıldığını deyib.
