Cəmi 10 nəfər 600-700 bal toplayıb
Mayın 22-də ali təhsil müəssisələrinə əvvəlki illərin məzunları üçün I və IV ixtisas qrupları üzrə keçirdiyi qəbul imtahanı ilə bağlı statistik rəqəmlər açıqlanıb.
Tələbə Qəbulu üzrə Dövlət Komissiyasından bildirilib ki, ali təhsil müəssisələrinə əvvəlki illərin məzunları üçün keçirilən imtahanların nəticələrinə əsasən, abituriyentlərdən 10 nəfəri 600-700 bal (0,08%), 32 nəfəri 500-599 bal (0,27%), 98 nəfəri 400-499 bal (0,83%), 368 nəfəri 300-399 bal (3,11%), 1109 nəfəri 200-299 bal (9,37%), 10214 nəfəri isə 0-199 bal (86,33%) arası nəticə göstərib.
İxtisas seçimi qəbul imtahanları başa çatdıqdan sonra (həm əvvəlki illərin, həm də cari ilin məzunlarının) bütün ixtisas qrupları üzrə iyulun 29-dan avqustun 10-dək aparılacaq.
