Rus zabitlərlə dolu avtobus uçuruma yuvarlandı- Ölən və yaralananlar var

0
14

Cənubi Osetiyada içərisində rus zabitlərin olduğu avtobus uçurma yuvarlanıb.

Strateq.az xarici mətbuata istinadən xəbər verir ki, nəticədə zabitlərdən 6-sı dünyasını dəyişib, 16-sı yaralanıb.

Rusiya Müdafiə Nazirliyindən verilən məlumatda o da bildirilir ki, avtobusdakı zabit heyəti tədris-metodiki toplantıya yollanırmış. Yaralı hərbiçilər dərhal Tsxinvildəki tibb müəssisəsinə aparılıb.

Nazirlikdən bildiriblər ki, qəzaya əyləc sistemində yaranmış problem səbəb olub.

Xatırladaq ki, Cənubi Osetiyada yaxın vaxtlarda referundum keçiriləcək. Bu, tanınmamış respublikanın prezidentinə Rusiya Federasiyasına daxil olmaqla bağlı müraciət imkanı verəcək.