İranda aparıcı canlı yayımda dünyasını dəyişib.
BAKU.WS məlumat verir ki, İranın televiziya kanallarının birində yayımlanan “İşçilər günü”nə həsr olunmuş verilişdə aparıcı Ahmed Kaimi mükafatlarını təqdim etmək üçün işçiləri səhnəyə dəvət edərkən qəfildən yerə yıxılıb. Xəstəxanaya çatdırılsa da aparıcının həyatını xilas etmək mümkün olmayıb. 40 yaşlı aparıcının ürəktutmasından dünyasını dəyişdiyi məlum olub.
Qeyd edək ki, Ahmed Kaimi uzun müddətdir İranın dövlət televiziya kanalında, müxtəlif tədbirlərdə aparıcılıq edirmiş.
