Azərbaycan dünya pasportlar reytinqində 75-ci oldu…
“Henley & Partners” şirkəti “Visa Restrictions Index 2016” reytinqini dərc edib.
Bu barədə tədqiqatın rəsmi saytında məlumat yayılıb.
Reytinqdə şirkət dünyanın 200-dən çox ölkə və ərazilərinin viza qaydalarını təhlil edib və yerlər vizasız giriş olan dövlətlərin sayına görə sıralanıb.
Azərbaycan reytinqdə 75-ci yerdədir. Azərbaycan pasportunun sahibləri 62 ölkəyə səyahət edə bilərlər.
Reytinqdə artıq ikinici ildir ki, birinci pillənin sahibi Almaniyadır. Alman pasportlarının sahibləri əlavə sənədləri qeydiyyatdan keçirmədən 177 ölkəyə səyahət edə bilərlər. İkinci yerdə İsveç (176 ölkə), üçüncü yeri Finlandiya, Fransa, ispaniya, İtaliya və Böyük Britaniya (175 ölkə) tutur.
Reytinqdə son yerləri Somali, Pakistan, İraq və Əfqanistan tutur. Bu ölkələrin vətəndaşları üçün vizasız səyahət ölkələrinin sayı dəqiqləşdirilmir.
