Bakının cənub girişi bağlandı
Bu dəqiqələrdə Bakı-Ələt magistral yolunda böyük tıxac yaranıb. Lent.az-ın məlumatına görə, magistralın Lökbatan və Sahil qəsəbəsi arasında nəqliyyatın hərəkəti məhdudlaşdırılıb, yolun şəhərdən rayonlara gedən istiqaməti bağlanıb. Bütün avtomobillər, eləcə də şəhərdən çıxan maşınlar əks istiqamətə yönləndirilib.
Baş Dövlət Yol Polisi İdarəsindən bildirilib ki, həmin istiqamətdə hər hansı qəza baş verməyib, təmir işləri görülür.
Qeyd edək ki, Bakı-Ələt yolunda təmir işlərinin görülməsi ilə bağlı ictimaiyyətə hər hansı məlumat verilməyib.
