Yəhudi deputat İsrail-Fələstin müharibəsindən danışdı
Yevda Abramov: “Atəşkəsin əldə olunmasının içərisində olan şəxslərdən biriyəm”
“Biz atəşkəsin əldə olunmasına çalışır, buna cəhd göstəririk. Biz hər bir günahsız insanın ölümünü qəti pisləyirik”.
Bunu Azərbaycan Milli Məclisinin deputatı Yevda Abramov İsraillə Fələstin arasında baş verən qanlı toqquşmalara, 1400-dən çox fələstinlinin ölümünə səbəb olan müharibəyə və bu gün səhər saatlarında əldə olunan razılaşmaya münasibət bildirərkən deyib.
Yəhudi əslili deputat bildirib ki, çox danışmaq, çox şeyi açmaq niyyətində deyil: “Bu razılaşma İsraildən asılı deyil. Başa düşürsünüzmü? Azərbaycan mətbuatı bu məsələləri birtərəfli işıqlandırır və həm də bizdən çox incik düşüblər. Mən bu məsələləri açıb danışacağam və yenə də Fazil Mustafa, eləcə də digərləri başlayacaq ki, Abramovun fikirləri ilə razı deyiləm. Mən atəşkəsin tərəfdarıyam və onun əldə olunmasının içərisində olan şəxslərdən biriyəm”.
