Əmrah yenə simiclik etdi
Sevgilisi Sibel Kirerlə ötən ilin son aylarında səssiz-səmirsiz evlənən türkiyəli müğənni Əmrah ikinci dəfə ata olacaq.
Simicliyi ilə ad çıxaran Əmrah həyat yoldaşının hamiləlik xəbərini öyrəndiyi ilk anda uşağın xərclərini düşünüb, onu tələf etməyi istəyib. Kirer isə ana olmağı çox istədiyini deyib və Əmrah “güzəştə gedib”.
Ata olmağa hazırlaşan Əmrah əvvəlcə qonşu binada yaşayan anasının onlara köçməsini istəyib. Məşhur müğənni bunu ev xərclərindən qurtulmaq və uşağa dayə tutub əlavə xərcə düşməməkdən ötrü təklif edib.
“Twitter”dən 5 milyon dollarlıq pay alan Əmrahın anasının adına, bələdiyyə avtobuslarına havayı minmək üçün “qocalıq kartı” çıxartdığı da iddia olunur.
