Türkmənistan prezidenti Qurbanqulu Berdiməhəmmədov Ramazan ayının ən fəzilətli gecəsi hesab olunan Qədr gecəsinin şərəfinə 612 nəfəri əfv edib.
“RİA Novosti” xəbər verir ki, hökumətin iclasında dövlət başçısının imzaladığı müvafiq fərmanlara əsasən, mühakimə edilmiş 568 Türkmənistan vətəndaşı və 26 xarici vətəndaş cəzasının qalan hissəsini çəkməkdən, eləcə də müəyyən bəlli yerdə yaşamaq məcburiyyətindən qurtulub.
Sənədləri imzalamaqla prezident səlahiyyətli şəxslərə əfv olunmuş şəxslərin Qədr gecəsini ailə üzvlərinin yanında keçirməsi məqsədilə onları qısa zamanda azadlığa buraxmağı tapşırıb. Ölkə başçısı eyni zamanda azadlığa çıxan məhbusların işlə təmin olunması barədə də göstəriş verib.
