İran Azərbaycan vətəndaşları üçün viza rejimini sadələşdirdi

İran Azərbaycan vətəndaşları üçün viza rejimini sadələşdirdi

İran Azərbaycan vətəndaşları üçün viza rejimini sadələşdirib.

Bu barədə İranın Xarici İşlər Nazirıiyi məlumat yayıb. Azərbaycan daxil olmaqla 190 ölkənin vətəndaşları elə hava limanında turist vizalarını 30 günlüyə ala bilərlər. Bu müddətin daha 15 gün də uzatmaq icazəsi verilir.

Əvvələr turistlərə viza 14 günlüyə verilirdi. Bu vaxtı uzatmaq imkanı yox idi. Yeni qayda Rusiya, Almaniya, Ermənistan, Özbəkistan, İspaniya, Rumıniya, Kuba, Ukrayna və digər ölkələrə şamil olunub.

XİN bildirib ki, il ərzində ölkə elektron viza sisteminə keçəcək.

Bu dəyişiklik onu göstərir ki, İran hakimiyyəti əcnəbi qonaqların axınına hazırlaşır. Sanksiyaların götürülməsindən sonra hökümət qərb ölkələrindən olan turistlərin kütləvi şəkildə İrana gələcəyini proqnozlaşdırılır.