Avropa Şurasından Rasim Əliyevin öldürülməsiylə bağlı BƏYANAT
Avropa Şurasının baş katibi Tyorborn Yaqland Rasim Əliyevin ölümüylə bağlı bəyanat verib.
Bəyanatda deyilir:
«Mən Rasim Əliyevin öldürülməsi xəbərindən şoka düşdüm. Azərbaycanda jurnalistlərin təhlükəsizliyilə bağlı vəziyyətin daha da pisləşməsi ciddi narahatçılıq doğurur.
Mən Azərbaycan hakimiyyətini jurnalistin ölümünü tez və sürətlə araşdırıb cinayətkarları ədalət mühakiməsi qarşısına çıxartmağa çağırıram. Baş vermiş bu faciəvi hadisə hakimiyyətlə vətəndaş cəmiyyəti arasında dialoqun və etimadın bərpası üçün çox ciddi addımlar atılmasını zəruri edir».
