Arda Turan təcili xəstəxanaya aparıldı
Bir neçə gün öncə İspaniya kubokunun dörddə bir final mərhələsində aqressiv hərəkətləri ilə gündəmə gələn Madridin “Atletiko” klubunun türkiyəli futbol ulduzu Arda Turan bu gün təcili xəstəxanaya aparılıb. “Qalatasaray”ın keçmiş yarımmüdafiəçisi Arda Turan zədələndiyindən məşqi qəfil tərk etməli olub. Dərhal həkim yoxlanışından keçsə də, bu ona kömək olmayıb. Odur ki, “Atletiko”nun əsas futbolçularından olan türkiyəli yarımmüdafiəçi təcili olaraq Madriddə özəl xəstəxanaya aparılıb.
Hələ də xəstəxanada olan Arda Turanın zədəsinin təfərrüatları barədə heç nə deyilmir.
