Öskürək zamanı müalicəvi kompreslər çox yaxşı kömək edir. Kompreslər döş qəfəsinə və belin yuxarı hissəsinə (bronxların proyeksiyasına) axşam yatmazdan əvvəl qoyulur.
Xəstə bu kompreslə yatmalıdır. Yüksək hərarət zamanı kompresdən istifadə olunmur. Həmçinin xəstədə kompresdə istifadə olunan maddələrə qarşı allergiyanın olub-olmadığına fikir vermək lazımdır.
Sizə ən sınanmış kompresləri təqdim edirik.
– 1 xörək qaşığı üzüm sirkəsi, 1 xörək qaşığı zeytun yağı, 1 xörək qağıdı kamfora yağı qarışdırılır, qalın pambıq əskiyə çəkilir və xəstənin döş qəfəsinə və belin yuxarı hissəsinə qoyulur. Üstündən yun şərflə bağlayın və bu kompreslə yatın.
– 1 ç.q. bal + 1 ç.q. xardal + 1 x.q. bitki yağı. Yuxarıda göstərilən qaydaya uyğun istifadə olunur.
– 1 x.q. adi xörək duzu 1 stəkan isti suda əridilir, soyudulur (ilıq olmalıdır). Bu suda pambıq parça isladılır, bədənə qoyulur, qalın yun şərflə bərkidilir.
