Bakıda bəzi avtomobil yollarında qeyri-sabit hava şəraiti ilə əlaqədar sürət həddi azaldılıb.
Nəqliyyatı İntellektual İdarəetmə Mərkəzindən Trend-ə verilən məlumata görə, bununla bağlı əlaqədar elektron tablolarda dəyişiklik edilib.
Hazırda “Koroğlu” metro stansiyasından Buzovna qəsəbəsinə qədər, Heydər Əliyev Hava Limanından başlayaraq “Nargilə” kafesinədək avtomobil yollarında hərəkət sürəti 20 km.saat azaldılıb.
Zolaqlar üzrə sürət həddi 120 km/saat-dan 100-ə, 100 km/saat-dan 80km/saata, 80 km/saatdan 60km/saata endirilib.
