Türkiyə Silahlı Qüvvələri Suriyada dörd yaşayış məntəqəsini nəzarətə götürüb.
Bu barədə Reuters agentliyi hərbçilərin bəyanatına istinadən məlumat verir.
Onların sözlərinə görə, “Fərat qalxanı” əməliyyatı zamanı Türkiyə ordusu Kantara, Əs-Sehid, Əl-Humran və Taşlıquyuk şəhərlərinə daxil olub.
Rəsmi Ankara bildirib ki, bu, İŞİD terrorçularının Türkiyə sərhədlərindən kənarlaşdırılmasından sonra kürd yaraqlılarının onların mövqeylərini tutmaması üçün vacib bir addım idi.
